حدث في مثل ذاك اليوم 27 – 5 – 2008

 

 

بسم الله نبدأ . . .

تحذير :
اللي قلوبهم ضعيفة و يتأثرون بسرعه
من غير مطرود برا الله لا يهينكم

________

في ذاك اليوم و كان يوم ثلاثاء تحديدا بتاريخ 27 - 5 - 2008
كان يوم حاااااااااار حااااااااااااار حااااااااااااااار حاااااااااار جدا جدا
اللي ساكن بالرياض يعرف وش جالسه أقول و أكيد حاس بالجو الجميل
ذاك اليوم يا طويلين العمر رحت للجامعه ما كان لي نيه أروح
بس في ناس وحشوني و وحشتهم قلت أشوفهم لأننا ما نجتمع بالإجازه و خصوصا أن
الإجازه طوييييييييييييييييييييييييييييييييييييييييييله . .
الزبده و ما فيها . .
أختي العزيزه الله يهديها جارتني معها من أبدر شي عشان صقيقاتها . .
و لأني هذا الترم ما عندي غير ماده وحده فما عندي دوام غير يوم واحد و الأربع الأيام الباقيه من الأسبوع أوف . .
فلما قلت لها خلينا نروح الساعه تسعه قالت لا عندك راحه طول الأسبوع خلينا نبدر ( نبكر )
و قعدت تخرط فوق مخي . .
الموهيم رحنا أبدر شي . .
و شفنا الناسات كلهم إلا وحده قهرون ما شفتهاش أو بالأصح ما جت . .
جلست مع صقيقتي و كنت جايبتون صور مغبره وناستون أونس شي بالوجود الصور القديمه لها طعم لذيذ وممتع . .
و يومها الله يسلمكم و يبعد الشر عنكم كنت جالسه مع صقيقتي بمكان ظل بس الحر حر ما يعرف ظل و إلا مو ظل . .
و أنا الله يعنيني على ما ابتلاني فيه و لا يبليكم جسمي يمتص الحرارة و يحتفظ فيها على قولة وحده الله يذكرها بالخير جسمك زي الحديد
يعني الناس تمرض بالشتاء بسبب البرد و تجيهم نزلة برد أنا العكس أمرض إلا بالصيف بسبب الحر و تجيني نزلة حر أقصد الحرارة تصير
نااااااااااااااار . .
تعالوا شوفوني وقت الظهر طبعا إذا كنت برا البيت يصير شكلي يخوووووووووووف . .
مو هذا المهم . .
المهم و الأهم من كذا إنه طولنا بالجلسه من تسع الصبح إلى وحده ونص الظهر تقريبا بالعربي تخللنا . .
و وقتها كنا جالسين قدام مبنى 12 ( هذا الشرح للي يعرف الجامعه من داخل - جامعة الملك سعود " عليشة " - )
و صقيقتي جاء أبوها فقمت أوصلها لبوابه 6 ثمن عاد رحت لمبنى 24 لأن أختي و صقيقاتها جالسين في ذاك . .
و من كثر ما الجو رايق << ايه هين
دقيت على اللي ماجت لأنها أرسلت مسج فقلت بيني و بيني اتصل أسوفها
و عليها جالسه أتمشى بالشمس الساطعه و أحترق و لا ولا ودي أقفل بعد ( الله يجيرنا من النار )
و أنا أكلمها وصلت للمبنى السابق الذكر - المقصود 24 - رقيت من الدرج إلى الدور الثاني ورحت للمكان اللي تركتهم فيه
ما لقيتهم طبعا السماعه لازالت على اذني الله يحفظني و لازلت أسولف و لما ما لقيتهم ما قفلت عشان اتصل على أختي أسألها وينكم
نو شوفوا التكتيك
بالعكس نزلت و طلعت من المبنى و جلست أتمشى في أرض الله الواسعه و بيني و بيني ما يبيلها مو موجودين في ذا أكيد
أنهم ببوابه 4 عشان شويات و راح نطلع و لما وصلت لعند بوابه 4 خلص رصيدي فأضطريت أقفل و بنفس الوقت أختي اتصلت علي
- ألو
- هلا
- وينك؟؟
- أنتم وينكم؟؟
- احنا بمبنى 24 الدور الثالث
- طيب جايه
طن
أبوك يالمقلب
عاتي و أرجع للمبنى طبعا الطريق كله شمس و أرقى مع الدرج للدور الثالث و الحمد لله وصلت لمكانهم
خلااااااااااااااااااااااااااااااااااص مستويه على الآخر توي بسم الله بجلس السواق دق أنا عند الباب
البنات يالله سرينا للبوابه
أمانه حتى النفس مو قادره أتنفس و مسويه قويه ما أبي أبين لأحد قلت يالله نروح للبوابه
جينا ننزل طبعا كنا ست بنات
1. أنا
2. وناسه (أختي)
3. قرامش (صقيقة أختي)
4. منار (بنت خالة صقيقة قرامش)
5. روتي (معي أنا و وناسه من المتوسط)
6. حنان الصغيرة (صقيقة روتي)
الموهيم :
جت منار بتنزل من الدرج . .
سحبتها قرامش : لا وش ينزلك بذا أمشي للمصعد
منار : لا بيعلق
قرامش : أقول امشي بس
و على بالي ألطف الجو قلت : لا تخافي أنا معكم ما راح يصير يعلق ( عندي شعور داخلي بالعكس )
طبعا أنا ما أحب هالشي المدعو مصعد لأني أتضايق بالأماكن الضيقة و المغلقة و ما أركبه إلا إذا معي أحد
المهم ركبنا و توه مسكر و احنا جالسين نضحك و نستهبل
فجأه . . . . . ((((((((((((يعلق)))))))))))
أمانه ستة أنفس و الساعة 2 الظهر بمكان متر بمتر خلااااااااااااااااص بيغمى علينا لولا خوفنا إن إذا صار لوحده شي
ينهاروا الباقي كان ما مسكنا أنفسنا << يا حبي لنا نفكر ببعض
و للإيضاح ما كان موقف لا صار ينزل و يصعد بين دورين
منار أول ما علق صارت صحبه مع الجرس أبد أصبعها ما فارقه. .
قرامش صارت تضرب على الباب بقوة و طلعت جوالها و حتى منار طلعت جوالها
و صاروا يدقوا على البنات اللي برا و ما نزلوا بهذا الشي المعلق . .
حنان الصغيرة غمضت عيونها و حضنت روتي أقوى نوع . .
وناسه معطيتني ظهرها تخاف تشوف وجهي ترتبك زياده و من الروعه يا عمري صارت تقول أحد يحضني
خخخخخخخخخخخخخخخخخخخخخخخ
أنا حدث ولا حرج نفسي ضاق و عيوني صارت تصعد لفوق و صرت أتشهد
و خلال دقايق يفتح الباب مو كله شوي بس قرامش أمنا و أبونا فتحته بيدينها الثنتين
و أول ما فتح كلنا هجووووووووووووووووووووووووووووم برا ذاك الشي المعلق
الكل جلسوا بمكان واحد
أنا ما جلست جنبهم لأن العالم اجتمعوا و صرنا نبكي مو كلنا أغلبنا بس قرامش ضحكت تقول أكشن
وحده من البنات معها ضغط بس جت سليمه و ماصار لها شي
أنا جلست جنب ثنتين مفهيااااااات ما يدرون وين الله حاطهم حتى ما انتبهوا لي
رجعت رأسي لورا أبي هوا قام جتني وحده من الإشراف الله يقطع ابليس روعتني
لما شافت شكلي جلست تكلمني بصوت عالي وش فيك يا عمري؟؟
أمانه تروعت و لساني انبلع مو قادره أحكي و بالقوة أشرت على أختي وقلت لها أختي هنا
قام أختي جت مع روتي و قالوا لها إن المصعد علق فينا قام قالت بس حسبت فيك شي مهم بكرا يا حبيبتي راح تشوفي أشياء أكبر وش بتسوين
أمانه قهرتني أقوى نوع . .
راحت ..
قمت صحت و صحت و صحت و روتي صارت تمسح على رأسي كسرت خاطرها
معلومه ما يعرفها إلا اللي معي بأرض الواقع . .
معروف عني ممنوع اللمس و الاقتراب يعني ما أحضن و لا أبوس و سلامي بالأغلب مصافحة وبس
لكن بذاك الموقف حضنت كل الناس حتى هم استغربوا . .
خخخخخخخخخخخخخخخخخخخخخخخ
حالتي صعبه
و لما استرجعنا أنفاسنا و تحمدنا لبعضنا بالسلامه
من جد الحمد لله على سلامتنا
عاد قعدنا نضحك ونضحك ونضحك لين هسترنا . .
ركبنا السيارة أنا و وناسه و احنا نضحك
بالعاده أنا ما أسولف بالسيارة حتى الجوال ما أرد و لو رديت أقول أنا بالسيارة أوصل و أتصل فيك وبس
السواق من الصدمه صار وجهه ||||||||||||||||طن||||||||||||||||
أقوى نوع طن
أول ما وصلنا فتح لنا أخوي الباب ما لقانا غير متمددين على الأرض نضحك و نقوله السالفه
ما فكنا الضحك إلا لما نمنا . .
تدرون حتى شعري نفش خخخخخخخخخخخخخخخخخخخخخخخخخخ

عش طويلا و ازدهر

Tweet